Ngā mahi whaitake kia haumaru ai

Me whakarite mō te haumaru

Ahakoa kei te hiahia koe ki te noho, te wehe rānei, he rite tonu ngā whakaritenga mō te noho haumaru. Ko te whāinga mēnā kei te hiahia koe ki te wehe – ināianei, ā muri ake rānei – kei a koe katoa ngā mea e hiahiatia ana mō ō hiahia me ō tika taketake.

Te whakarite i tētahi kupu me tētahi tohu haumaru

Me kōwhiri i tētahi kupu haumaru me ō kaitautoko, tamariki anō hoki ko tōna tikanga ko te ‘Waea atu ki ngā pirihimana’.

Ngā mahi mēnā ka noho tonu koe

Mēnā kua whakarite koe ki te noho, me kōrero atu ki ō kaitautoko. Me te aha, me whakarite i a koe anō ki te tino hē kē atu ngā āhuatanga, kia tere ai tō wehe.

Waea, ngā kī, whakahiko

Me whakahiko i tō waea, ā, me tata tonu ki a koe ina taea. Ka mutu me mau haere tonu i a koe ō kī ina taea, ā, me tata ki a koe tō whakahiko waea. Mēnā ka wehe koe, me heri e koe ēnei mea katoa e toru.

Waka 

Me whai mahere mō te haere haumaru. Arā, mēnā he waka tōu, me whakarite kei te nui ō penehīni mō te haere.

Me whai koe i ngā tuhinga mōu me ō tamariki

Me hanga kape o ō tuhinga hira rawa mēnā ka taea. Me kape i ēnei momo tuhinga e toru — tō ID, uruwhenua hoki/rānei, ngā tiwhikete whānau o ō tamariki, me ngā tuhinga papanoho (pērā i tō kirimana retihanga, taitara whare rānei).

Me noho ngā kape ki tētahi wāhi haumaru pērā i te kāinga o tētahi kaitautoko, tō mahi me tō waka.

Me haumaru te wā mōu mēnā ka wehe koe

Kōwhiria he wā haumaru mōu ki te wehe i a koe e mahi noa ana. Tērā pea ko te wā e ngaro atu ana tō hoa, i te wā rānei e hari ana koe i ngā tamariki ki te kura. Ka taea pea e ētahi whare whakaruruhau te āwhina i a koe ki te kimi i tētahi wāhi haumaru mō ō mōkai mēnā ka wehe koe.

Haere ki te wāhi haumaru ka tono āwhina

Me haere tonu atu ki tētahi wāhi haumaru ka waea atu ki ngā pirihimana, tētahi ratonga patu tūkino whānau rānei pērā i a:

Women’s Refuge – 0800 REFUGE,  0800 733 843  rānei

Shakti – 0800 SHAKTI, 0800 742 584 rānei