Ngā ratonga patu tūkino whānau
Kei raro ko tētahi rārangi o ngā ratonga patu tūkino whānau hira, ngā āwhina e whakaratoa ana e rātau, ā, me pēhea te whakapā atu.
Women's Refuge
Wāhi: Puta noa i Aotearoa
Paetukutuku a te Women’s Refuge
Waea 24/7 – 0800 REFUGE, 0800 733 843 rānei
Ko te whakahaere ā-motu nui rawa o Aotearoa e tautoko ana me te āwhina i ngā wāhine me ngā tamariki kei te pā ki te patu tukino whānau.
Hei tūmanako māu:
E tuwhera ana ngā whare haumaru o Women’s Refuge i te ao, i te pō i ngā rohe katoa. Kimihia te whare whakaruruhau tūtata ki a koe: Kimihia tō Whare Whakaruruhau | Women’s Refuge tūtata He matatapu ā rātau tautoko, ā, he whakawā-kore.
Ka āwhina rātau i a koe ki te wherawhera i ngā ratonga tautoko ka hiahia pīrangi, ka hiahia rānei koe, pērā i: Ngā Pirihimana, Oranga Tamariki, te pūnaha ture, ngā kōti, Te Hiranga Tangata, ngā whare noho, ngā rata, te hekenga, me ngā kura. Ka āwhina hoki rātau i a koe ki te tūhono atu ki ngā ratonga tautoko tāpiri ka hiahia koe.
He matatau ngā kaimahi a Women’s Refuge, ā, he tino matawhānui ō rātau mōhio mō te tautoko i te hunga kei runga i ngā āhuatanga kino me te tautoko hoki i ngā wāhine kei ngā rohe mamao. Ka haere atu rātau ki te kāinga me te hapori. He rōpū mātauranga me te tautoko mō ngā wāhine me ngā tamariki mō te noho kore patu tukino.
Ka tuku mōhiohio te Women’s Refuge me ngā whakaaturanga ki ngā rōpū hapori, ngā kura me ngā wāhi mahi.
Aviva Christchurch Women's Refuge
Wāhi: Ōtautahi
Waea tautoko i te ao, i te pō: 0800 2848 2669
Hei tūmanako māu:
Ka āwhina a Aviva i ngā tāngata ahakoa te pakeke, te ira tangata, te mātāwaka, te iwi, te tuakiri hōkakatanga rānei kei te pā, kua pā rānei ki te patu tukino Whanau.
Kei roto i ā rātau ratonga ko ngā tohutohu hāngai ake, te taunaki me te whakamahere haumaru, te toro i ngā ratonga penapena moni me ngā mōhiohio mō ngā take ture, hauora me te pūtea tae atu hoki ki te āwhina ki te toro i ngā tautoko mai i ētahi atu tari.
Ahakoa kāore a Aviva e mahi i roto i tētahi whare haumaru, ka tautoko rātau i a koe ki te toro atu ki te whare whakaruruhau, he wāhi noho ohotata kē mā ētahi atu tari.
Family Action - Whānau Toa
Wāhi: Tāmaki Makaurau
Tau waea: Mane ki te Paraire 8.30am ki te 5.00pm 0800 326 327, 09 836 1987 rānei (mō ngā tāngata i Tāmaki Makaurau)
Hei tūmanako māu:
Ka whakahaerehia e Whānau Toa te whakaruruhau wāhine i te Uru o Tāmaki Makaurau mō ngā wāhine, ngā taiohi, ngā tamariki me ngā whānau kei te pā ki te patu tukino whanau, te koeretanga kino rānei, te tūkino, te whētuki rānei. Ka tukuna e rātau ngā tūmomo ratonga pērā i te: whakamahere haumaru, ngā ratonga tohuora raruraru me te wawao, ngā mōhiohio mō te whakamaru me te tiaki tamariki me ngā tautoko haere tonu.
Kindred Services
Wāhi: Tāmaki Makaurau
Paetukutuku a Kindred Services
Ngā tautoko whare whakaruruhau i te ao, i te pō: 021 842 917
Hei tūmanako māu:
E whakarato ana a Kindred Family Services i ngā wawaonga kounga hei tautoko, hei whakamana me te taunaki mō te tangata kia eke i a rātau ō rātau pūmanawa nohopuku.
E tuku tautoko hoki rātau i tētahi waea tautoko i te ao, i te pō me ngā urupare a Women’s Refuge he ū ki ngā tikanga ki ngā patu tukino whanau he mea waiwai te haumaru o ngā wāhine/tamariki. Kei roto pea i tēnei ko te taunaki, te whakamahere whānau, he whare haumaru, he urupare raruraru i te ao, i te pō, he whakamōhio/mātauranga, he tohuora, te mahi tahi a te whānau me te hapori.
Mother of Divine Mercy Charitable Trust
Wāhi: Tāmaki Makaurau
Tau waea: (09) 820 0453
Hei tūmanako māu:
E tuku ana a Mother of Divine Mercy Charitable Trust i ngā ratonga matawhānui me ngā tautoko i Tāmaki Makaurau, tae atu ki ngā mōhiohio tauākī me ngā tautoko i te taha o ngā Pirihimana, ngā rōia, ngā kōti, Te Hiranga Tangata me ētahi atu tari kāwanatanga. Ka taea hoki e rātau te tono atu ki ngā kaitohuora, ngā rōia me ngā rata.
He whakarato hoki rātau i tētahi wāhi Whare Haumaru, he taunaki ā-hapori, ngā mōhiohio, ngā mātauranga, ngā ratonga me ngā kaupapa whakamōhiotanga, ngā tohuora koreutu, me ngā tautoko ā-tikanga e arahina ana i raro i ngā kaupapa o Te Moananui-a-Kiwa whānui.
Shakti
Ngā wāhi: Tāmaki Makaurau, Tauranga, Te Whanganui-a-Tara, Ōtautahi
Waea raruraru, i te ao i te pō, ngā reo maha – 0800 SHAKTI, 0800 742 584 rānei
Hei tūmanako māu:
He ratonga ū ki ngā tikanga ahurea, he mātanga, he muna ngā tautoko mā ngā wāhine me ā rātau tamariki o Āhia, Āwherika, me te Waenga Rāwhiti.
Ngā whare whakaruruhau e whakarato ana i tētahi wāhi whakaruruhau, ahuru mōwai rānei mō ngā wāhine mātāwaka e hiahia ana ki te rere mai i te patu tukino whanau.
Ko ngā ratonga hāpaiora tairaru me te ārai raruraru he ū ki ngā tikanga, he haumaru, ā, he matatapu.
Ka āwhina rātau me ngā tautoko ture, me te taunaki mō ngā take whare noho, ngā take hekenga, me ACC hoki. Ka whakarato ratonga haumanu, tohuora a Shakti me te tono ki ngā ratonga hauora.
Ka whakatairanga ā rātau kaupapa whakapakari tangata me ngā pūmanawa i te ngākau titikaha me te noho motuhake.
Shama, Ethnic Women's Trust
Wāhi: Waikato
Tau waea: Mane ki te Paraire 9:00am ki te 4:30pm (07) 843 3810
Hei tūmanako māu:
He whakahaere hapori a Shama e mahi ana me ngā wāhine mātāwaka, whānau hoki ki te tuku urupare i te rohe o Waikato mō te patu tukino whanau me tētahi urupare ā-motu mō te e tuku ana i tētahi ratonga urupare raruraru, ngā tautoko haumanu wā roa me ngā mahi ārai mā te whanaketanga hapori.
Shine*
Wāhi: Tāmaki Makaurau
Paetukutuku a Shine me te kōrerorero tuihono i te ao, i te pō
E wātea ana te waea raruraru i te ao, i te pō: 0508 744 633
Hei tūmanako māu:
E rua ngā whare whakaruruhau o Shine i ngā wāhi huna i Tāmaki Makaurau. Waea atu ki te waea raruraru a Shine ki te kōrero mō te haere ki tētahi whare whakaruruhau.
Whakarato ai ngā whare whakaruruhau i tētahi wāhi mahana, he ahuru mōwai, he haumaru, ngā kai, he wāhi tautoko mō ngā whānau, me ngā tautoko āhua ngākau.
Ka taea hoki e rātau te tautoko i a koe ki te whakarite i ngā takuhe a Te Hiranga Tangata (WINZ), ngā rōpū tautoko, ngā tohuora, me te kimi rōia.
Ka āwhina hoki ngā tāngata a Shine i a koe ki te kimi i tētahi whare noho haumaru, pūmau. I Tāmaki Makaurau he whare takawaenga ō Shine – ngā whare rēti whai tautoko mō ngā whānau kua kaha ki te wehe i te whare whakaruruhau
S.O.S Kaipara
Wāhi: Te Takiwā o Kaipara
Tau waea: (09) 439 6070, 0800 33 88 44 rānei
Hei tūmanako māu:
Ka whakarato a S.O.S Kaipara i ngā ratonga tautoko mātanga matawhānui mā ngā wāhine, ngā tamariki me te whānau whānui kua pā ki te tūkinotanga me te patu tukino i roto i Te Takiwā o Kaipara. Ka tuku tautoko, taunaki, wāhi noho whakaruruhau, ngā tohuora raruraru me te haumanu whānau.
Taupō Women’s Refuge
Wāhi: Taupō
Paetukutuku a Taupō Women’s Refuge
Waea raruraru i te ao, i te pō: 07 377 1055
Hei tūmanako māu:
Ka whakarato a Taupō Women’s Refuge i tētahi kāinga haumaru, mahana, hāneanea hoki ki ngā pārurenga o te Patu tukino whanau me wehe i ō rātau kāinga ahakoa te take. Mā tēnei ratonga ka whai wā ngā wāhine me ngā tamariki ki te whakarite mahere me te whakapūmau i tō rātau haumaru hoki. Ka takawaenga rātau i ngā tautoko takitahi, takitini hoki/rānei mā te hunga kei te pā ki te patu tukino whanau.
Tauranga Women's Refuge
Wāhi: Tauranga
Paetukutuku a Tauranga Women’s Refuge
Waea āwhina i te ao, i te pō: 0800 TO REFUGE, 0800 86 733 843 rānei
Hei tūmanako māu:
Ka whakarato a Tauranga Women’s Refuge i tētahi Waea Raruraru i te ao, i te pō, he Whare Haumaru, te taunaki ā-Hapori, ngā mōhiohio, te mātauranga, ngā ratonga me ngā kaupapa whakamōhiotanga, ngā tohuora koreutu, ngā kaupapa Māori mō ngā wāhine me ngā tamariki.
E tuku ana rātau i ngā ratonga matawhānui me ngā tautoko i Tāmaki Makaurau, tae atu ki ngā mōhiohio tauākī me ngā tautoko i te taha o ngā Pirihimana, ngā rōia, ngā kōti, Te Hiranga Tangata me ētahi atu tari kāwanatanga. Ka taea hoki e rātau te tono atu ki ngā kaitohuora, ngā rōia me ngā rata.
Te Roopu O Te Whānau Rangimarie O Tāmaki Makaurau
Wāhi: Tāmaki Makaurau
Te paetukutuku a Te Whanau Rangimarie
Tau waea: Mane ki te Paraire 9:00am ki te 5:00pm (09) 390-1283
Hei tūmanako māu:
Ka whakarato Te Roopu O Te Whānau Rangimarie O Tāmaki Makaurau i tētahi whare whakaruruhau haumaru taupua i Tāmaki Makaurau mō ngā wāhine me ā rātau tamariki me whakahaumaru, me whiwhi tautoko hoki nā te patu tukino i te kāinga, te hapori hoki/rānei.
Ka whakarato hoki rātau i ngā kaupapa hapori mā ngā pakeke me ngā tamariki kua pā ki te patu tukino whānau, ā, he āwhina ki te hanga rautaki me pēhea te rapu māramatanga me te whakarite i ngā pānga o te whakarekereke whānau.
Te Whāriki Manawāhine O Hauraki
Wāhi: Hauraki
Paetukutuku a Te Whāriki Manawāhine O Hauraki
Waea raruraru koreutu 24/7: 0800 868 3132
Hei tūmanako māu:
Ka tuku ratonga Te Whāriki Manawāhine O Hauraki ki ngā whānau puta noa i Hauraki mai i Te Kūrae o Moehau ki Te Aroha i te Tonga, ā, mai i Kaiaua i te Uru, tae noa ki Whitianga, Whangamatā me Waihī i te Rāwhiti.
He Whare Haumaru tō rātau mō ngā wāhine me ngā tamariki me whiwhi i te wā whakatā mai i te patu tukino whanau, tae atu ki te Koeretanga Kino.
He tuku taunaki me ngā tautoko ā-kāinga, ā-hapori ki ngā whānau, ki te tangata rānei e hiahia ana ki te whakaora me te whakarauora mai i te patu tukino whanau.
Te Whare Marama O Māngere
Wāhi: Tāmaki Makaurau
Tau waea: (09) 2767922
Hei tūmanako māu:
He kaiwhakarato Kaupapa Māori e tuku ana i tētahi wāhi haumaru whai wāhi noho ohotata, ngā tohutohu me ngā kaupapa oranga ki ngā Wāhine me ngā Tamariki i roto i te hapori kei te pā ki te patu tukino whanau me te tūkinotanga.
Te Whare Tu Whānau (Gisborne Women’s Refuge)
Wāhi: Tairāwhiti/Tūranganui-a-Kiwa
Waea raruraru koreutu: 0800 377 600
Hei tūmanako māu:
E whakarato ana Te Whare Tū Whānau i tētahi whare whakaruruhau wāhine me ngā urupare ki te patu tukino whanau i raro i tētahi kaupapa ao Māori, ā-whānau hoki, ko te mea nui ko te haumaru o te whānau.
Kei roto i tēnei ko te taunaki, te whakamahere whānau, he whare haumaru, he urupare raruraru i te ao, i te pō, he whakamōhio/mātauranga, he tohuora, ngā wānanga ā-whānau me te mahi tahi me te hapori. Ka whakamōhiotia atu tēnei e te reo o te whānau, te tikanga haumaru, ā, e tino mārama ana ki te rerekē o te mana me te pānga nui rawa ki ngā wāhine, tamariki, ngā tāngata whenua me te hunga rōpū ririki.
Te Whakaruruhau
Wāhi: Kirikiriroa
Waea i te ao, i te pō: 07 855 1569
Hei tūmanako māu:
E whā ngā whare whakaruruhau o Te Whakaruruhau Wāhine Māori puta noa i Kirikiriroa. Me waea atu ki tā rātau waea raruraru i te ao, i te pō ki te rapu he aha ngā ratonga e wātea ana ki a koe.
Ko tā rātau he tuku ratonga hei ārahi i ngā wāhine me ō rātau whānau kia noho haumaru, kia tau te wairua me te oranga, tae atu ki te āwhina ki te wehe mai i tētahi hononga tūkino, te waihanga i tētahi mahere haumaru, te taunaki me ngā ratonga kāwanatanga, me ngā takuhe taonga whare, kākahu, kai rānei.
Ka mahi hoki rātau me ngā tāne patu tukino kia whai rātau i ngā tikanga me ngā tautoko kia kore ai e patu tukino.
Whānau Awhina Women's Refuge
Wāhi: Whakatāne
Tau waea: (07) 308 5531
Hei tūmanako māu:
E whakarato ana a Whānau Āwhina i tētahi whare whakaruruhau mō ngā whānau me ngā tamariki i Whakatāne, Kawerau me Ōpōtiki e pā kinotia ana e te patu tukino me nga tūkinotanga rānei i roto i tētahi taiao haumaru me te matatapu. Ka whakarato i te hāpaiora tairaru, te whai whakatau whakamarutanga me ētahi atu ratonga e hiahiatia ana.