Te tiaki i a koe anō i a koe e tautoko ana i ētahi atu
He ahotea pea te tautoko i te tangata kei te pā ki te patu tūkino whānau mō ngā pūtake maha. Anei ētahi āhuatanga hei tiaki i tō oranga tinana, āhua ngākau, me te wairua.
Me pono ki tōu kaha
Me pono ki a koe anō me te tangata kei te tautoko koe mō te nui o āu tautoko me te toro āwhina ina hiahia koe. Kaua rawa e kawea e tōu kotahi anake, e pōhēhē rānei māu ngā mahi katoa.
Me kī he uaua ngā āhuatanga tūkino, ā, he pūmau rawa mō te tangata kotahi ki te whakatika.
Me mōhio koe he taumaha tonu pea te tuku tautoko
He ahotea te tūkino. Me whakarite i a koe mō te rere o ngā kare ā-roto. Hei tauira, ka pōuri pea koe, ka ohorere, ka hōhā, ka pōraru rānei.
He pai noa iho tērā. He tangata noa koe, ā, ehara i te mea ngoikore ngā kare ā-roto. Kaua e pēhi i tō pōuri, tō ngākau aroha, te whakaaro tē taea e koe te āwhina, te whakaaro rānei kāore ō kiko.
He pai tonu te mōhio i mua noa atu he aha ngā mea whakaoho i a koe. Me tuwhera ki te kimi i ngā mea whakaoho i a koe i te mea he wheako hou ōu. Ka kitea e ngā āhuatanga hou ngā mea kua roa e hunaia ana.
